ஆதித்ய ஹ்ருதய ஸ்தோத்திரம் — வரிகள்

॥ அத ஸார்த ஆதித்யஹ்ருதயம் ॥

ததோ யுத்தபரிஶ்ராந்தம் ஸமரே சிந்தயா ஸ்திதம் ।
ராவணம் சாக்ரதோ த்ருஷ்ட்வா யுத்தாய ஸமுபஸ்திதம் ॥ ௧॥

தைவதைஶ்ச ஸமாகம்ய த்ரஷ்டுமப்யாகதோ ரணம் ।
உபாகம்யாப்ரவீத்ராமமகஸ்த்யோ பகவாந்ருஷிஃ ॥ ௨॥

ராம ராம மஹாபாஹோ ஶ்ருணு குஹ்யம் ஸநாதநம் ।
யேந ஸர்வாநரீந்வத்ஸ ஸமரே விஜயிஷ்யஸி ॥ ௩॥

ஆதித்யஹ்ருதயம் புண்யம் ஸர்வஶத்ருவிநாஶநம் ।
ஜயாவஹம் ஜபேந்நித்யமக்ஷயம் பரமம் ஶிவம் ॥ ௪॥

ஸர்வமங்கலமாங்கல்யம் ஸர்வபாபப்ரணாஶநம் ।
சிந்தாஶோகப்ரஶமநம் ஆயுர்வர்தநமுத்தமம் ॥ ௫॥

ரஶ்மிமந்தம் ஸமுத்யந்தம் தேவாஸுரநமஸ்க்ருதம் ।
பூஜயஸ்வ விவஸ்வந்தம் பாஸ்கரம் புவநேஶ்வரம் ॥ ௬॥

ஸர்வதேவாத்மகோ ஹ்யேஷ தேஜஸ்வீ ரஶ்மிபாவநஃ ।
ஏஷ தேவாஸுரகணா஁ல்லோகாந் பாதி கபஸ்திபிஃ ॥ ௭॥

ஏஷ ப்ரஹ்மா ச விஷ்ணுஶ்ச ஶிவஃ ஸ்கந்தஃ ப்ரஜாபதிஃ ।
மஹேந்த்ரோ தநதஃ காலோ யமஃ ஸோமோ ஹ்யபாம் பதிஃ ॥ ௮॥

பிதரோ வஸவஃ ஸாத்யா ஹ்யஶ்விநௌ மருதோ மநுஃ ।
வாயுர்வஹ்நிஃ ப்ரஜாப்ராண ருதுகர்தா ப்ரபாகரஃ ॥ ௯॥

ஆதித்யஃ ஸவிதா ஸூர்யஃ ககஃ பூஷா கபஸ்திமாந் ।
ஸுவர்ணஸத்ருஶோ பாநுர்ஹிரண்யரேதா திவாகரஃ ॥ ௧௦॥

ஹரிதஶ்வஃ ஸஹஸ்ரார்சிஃ ஸப்தஸப்திர்மரீசிமாந் ।
திமிரோந்மதநஃ ஶம்புஸ்த்வஷ்டா மார்தாண்ட அம்ஶுமாந் ॥ ௧௧॥

ஹிரண்யகர்பஃ ஶிஶிரஸ்தபநோ பாஸ்கரோ ரவிஃ ।
அக்நிகர்போऽதிதேஃ புத்ரஃ ஶங்கஃ ஶிஶிரநாஶநஃ ॥ ௧௨॥

வ்யோமநாதஸ்தமோபேதீ ருக்யஜுஃஸாமபாரகஃ ।
கநவ்ருஷ்டிரபாம் மித்ரோ விந்த்யவீதீ ப்லவங்கமஃ ॥ ௧௩॥

ஆதபீ மண்டலீ ம்ருத்யுஃ பிங்கலஃ ஸர்வதாபநஃ ।
கவிர்விஶ்வோ மஹாதேஜாஃ ரக்தஃ ஸர்வபவோத்பவஃ ॥ ௧௪॥

நக்ஷத்ரக்ரஹதாராணாமதிபோ விஶ்வபாவநஃ ।
தேஜஸாமபி தேஜஸ்வீ த்வாதஶாத்மந்நமோऽஸ்து தே ॥ ௧௫॥

நமஃ பூர்வாய கிரயே பஶ்சிமாயாத்ரயே நமஃ ।
ஜ்யோதிர்கணாநாம் பதயே திநாதிபதயே நமஃ ॥ ௧௬॥

ஜயாய ஜயபத்ராய ஹர்யஶ்வாய நமோ நமஃ ।
நமோ நமஃ ஸஹஸ்ராம்ஶோ ஆதித்யாய நமோ நமஃ ॥ ௧௭॥

நம உக்ராய வீராய ஸாரங்காய நமோ நமஃ ।
நமஃ பத்மப்ரபோதாய மார்தாண்டாய நமோ நமஃ ॥ ௧௮॥

ப்ரஹ்மேஶாநாச்யுதேஶாய ஸூர்யாயாதித்யவர்சஸே ।
பாஸ்வதே ஸர்வபக்ஷாய ரௌத்ராய வபுஷே நமஃ ॥ ௧௯॥

தமோக்நாய ஹிமக்நாய ஶத்ருக்நாயாமிதாத்மநே ।
க்ருதக்நக்நாய தேவாய ஜ்யோதிஷாம் பதயே நமஃ ॥ ௨௦॥

தப்தசாமீகராபாய வஹ்நயே விஶ்வகர்மணே ।
நமஸ்தமோऽபிநிக்நாய ருசயே லோகஸாக்ஷிணே ॥ ௨௧॥

நாஶயத்யேஷ வை பூதம் ததேவ ஸ்ருஜதி ப்ரபுஃ ।
பாயத்யேஷ தபத்யேஷ வர்ஷத்யேஷ கபஸ்திபிஃ ॥ ௨௨॥

ஏஷ ஸுப்தேஷு ஜாகர்தி பூதேஷு பரிநிஷ்டிதஃ ।
ஏஷ ஏவாக்நிஹோத்ரம் ச பலம் சைவாக்நிஹோத்ரிணாம் ॥ ௨௩॥

வேதாஶ்ச க்ரதவஶ்சைவ க்ரதூநாம் பலமேவ ச ।
யாநி க்ருத்யாநி லோகேஷு ஸர்வ ஏஷ ரவிஃ ப்ரபுஃ ॥ ௨௪॥

॥ பலஶ்ருதிஃ ॥

ஏநமாபத்ஸு க்ருச்ச்ரேஷு காந்தாரேஷு பயேஷு ச ।
கீர்தயந் புருஷஃ கஶ்சிந்நாவஸீததி ராகவ ॥ ௨௫॥

பூஜயஸ்வைநமேகாக்ரோ தேவதேவம் ஜகத்பதிம் ।
ஏதத் த்ரிகுணிதம் ஜப்த்வா யுத்தேஷு விஜயிஷ்யஸி ॥ ௨௬॥

அஸ்மிந்க்ஷணே மஹாபாஹோ ராவணம் த்வம் வதிஷ்யஸி ।
ஏவமுக்த்வா ததாऽகஸ்த்யோ ஜகாம ச யதாகதம் ॥ ௨௭॥

ஏதச்ச்ருத்வா மஹாதேஜா நஷ்டஶோகோऽபவத்ததா ।
தாரயாமாஸ ஸுப்ரீதோ ராகவஃ ப்ரயதாத்மவாந் ॥ ௨௮॥

ஆதித்யம் ப்ரேக்ஷ்ய ஜப்த்வா து பரம் ஹர்ஷமவாப்தவாந் ।
த்ரிராசம்ய ஶுசிர்பூத்வா தநுராதாய வீர்யவாந் ॥ ௨௯॥

ராவணம் ப்ரேக்ஷ்ய ஹ்ருஷ்டாத்மா யுத்தாய ஸமுபாகமத் ।
ஸர்வ யத்நேந மஹதா வதே தஸ்ய த்ருதோऽபவத் ॥ ௩௦॥

அத ரவிரவதந்நிரீக்ஷ்ய ராமம்
முதிதமநாஃ பரமம் ப்ரஹ்ருஷ்யமாணஃ ।
நிஶிசரபதிஸங்க்ஷயம் விதித்வா
ஸுரகணமத்யகதோ வசஸ்த்வரேதி ॥ ௩௧॥

॥ இதி ஆதித்யஹ்ருதயம் மந்த்ரம் ॥