ବିଷ୍ଣୁ ସହସ୍ରନାମ — ଗୀତ

॥ ଶ୍ରୀବିଷ୍ଣୁସହସ୍ରନାମସ୍ତୋତ୍ରମ୍ ॥

॥ ଓଁ ॥

ଶ୍ରୀପରମାତ୍ମନେ ନମଃ ।

ନାରାୟଣଂ ନମସ୍କୃତ୍ୟ ନରଂ ଚୈବ ନରୋତ୍ତମମ୍ ।
ଦେବୀଂ ସରସ୍ୱତୀଂ ବ୍ୟାସଂ ତତୋ ଜୟମୁଦୀରୟେତ୍ ॥

ଓଁ ଅଥ ସକଲସୌଭାଗ୍ୟଦାୟକଂ ଶ୍ରୀବିଷ୍ଣୁସହସ୍ରନାମସ୍ତୋତ୍ରମ୍ ।
ହରିଃ ଓଁ ॥

ଶୁକ୍ଲାମ୍ବରଧରଂ ବିଷ୍ଣୁଂ ଶଶିବର୍ଣଂ ଚତୁର୍ଭୁଜମ୍ ।
ପ୍ରସନ୍ନବଦନଂ ଧ୍ୟାୟେତ୍ ସର୍ୱବିଘ୍ନୋପଶାନ୍ତୟେ ॥ ୧॥

ୟସ୍ୟ ଦ୍ୱିରଦବକ୍ତ୍ରାଦ୍ୟାଃ ପାରିଷଦ୍ୟାଃ ପରଃ ଶତମ୍ ।
ବିଘ୍ନଂ ନିଘ୍ନନ୍ତି ସତତଂ ବିଷ୍ୱକ୍ସେନଂ ତମାଶ୍ରୟେ ॥ ୨॥

ବ୍ୟାସଂ ବସିଷ୍ଠନପ୍ତାରଂ ଶକ୍ତେଃ ପୌତ୍ରମକଲ୍ମଷମ୍ ।
ପରାଶରାତ୍ମଜଂ ବନ୍ଦେ ଶୁକତାତଂ ତପୋନିଧିମ୍ ॥ ୩॥

ବ୍ୟାସାୟ ବିଷ୍ଣୁରୂପାୟ ବ୍ୟାସରୂପାୟ ବିଷ୍ଣବେ ।
ନମୋ ବୈ ବ୍ରହ୍ମନିଧୟେ ବାସିଷ୍ଠାୟ ନମୋ ନମଃ ॥ ୪॥

ଅବିକାରାୟ ଶୁଦ୍ଧାୟ ନିତ୍ୟାୟ ପରମାତ୍ମନେ ।
ସଦୈକରୂପରୂପାୟ ବିଷ୍ଣବେ ସର୍ୱଜିଷ୍ଣବେ ॥ ୫॥

ୟସ୍ୟ ସ୍ମରଣମାତ୍ରେଣ ଜନ୍ମସଂସାରବନ୍ଧନାତ୍ ।
ବିମୁଚ୍ୟତେ ନମସ୍ତସ୍ମୈ ବିଷ୍ଣବେ ପ୍ରଭବିଷ୍ଣବେ ॥ ୬॥

ଓଁ ନମୋ ବିଷ୍ଣବେ ପ୍ରଭବିଷ୍ଣବେ ॥

ଶ୍ରୀବୈଶମ୍ପାୟନ ଉବାଚ —

ଶ୍ରୁତ୍ୱା ଧର୍ମାନଶେଷେଣ ପାବନାନି ଚ ସର୍ୱଶଃ ।
ୟୁଧିଷ୍ଠିରଃ ଶାନ୍ତନବଂ ପୁନରେବାଭ୍ୟଭାଷତ ॥ ୭॥

ୟୁଧିଷ୍ଠିର ଉବାଚ —

କିମେକଂ ଦୈବତଂ ଲୋକେ କିଂ ବାପ୍ୟେକଂ ପରାୟଣମ୍ ।
ସ୍ତୁବନ୍ତଃ କଂ କମର୍ଚନ୍ତଃ ପ୍ରାପ୍ନୁୟୁର୍ମାନବାଃ ଶୁଭମ୍ ॥ ୮॥

କୋ ଧର୍ମଃ ସର୍ୱଧର୍ମାଣାଂ ଭବତଃ ପରମୋ ମତଃ ।
କିଂ ଜପନ୍ମୁଚ୍ୟତେ ଜନ୍ତୁର୍ଜନ୍ମସଂସାରବନ୍ଧନାତ୍ ॥ ୯॥

ଭୀଷ୍ମ ଉବାଚ —

ଜଗତ୍ପ୍ରଭୁଂ ଦେବଦେବମନନ୍ତଂ ପୁରୁଷୋତ୍ତମମ୍ ।
ସ୍ତୁବନ୍ ନାମସହସ୍ରେଣ ପୁରୁଷଃ ସତତୋତ୍ଥିତଃ ॥ ୧୦॥

ତମେବ ଚାର୍ଚୟନ୍ନିତ୍ୟଂ ଭକ୍ତ୍ୟା ପୁରୁଷମବ୍ୟୟମ୍ ।
ଧ୍ୟାୟନ୍ ସ୍ତୁବନ୍ନମସ୍ୟଂଶ୍ଚ ୟଜମାନସ୍ତମେବ ଚ ॥ ୧୧॥

ଅନାଦିନିଧନଂ ବିଷ୍ଣୁଂ ସର୍ୱଲୋକମହେଶ୍ୱରମ୍ ।
ଲୋକାଧ୍ୟକ୍ଷଂ ସ୍ତୁବନ୍ନିତ୍ୟଂ ସର୍ୱଦୁଃଖାତିଗୋ ଭବେତ୍ ॥ ୧୨॥

ବ୍ରହ୍ମଣ୍ୟଂ ସର୍ୱଧର୍ମଜ୍ଞଂ ଲୋକାନାଂ କୀର୍ତିବର୍ଧନମ୍ ।
ଲୋକନାଥଂ ମହଦ୍ଭୂତଂ ସର୍ୱଭୂତଭବୋଦ୍ଭବମ୍ ॥ ୧୩॥

ଏଷ ମେ ସର୍ୱଧର୍ମାଣାଂ ଧର୍ମୋଽଧିକତମୋ ମତଃ ।
ୟଦ୍ଭକ୍ତ୍ୟା ପୁଣ୍ଡରୀକାକ୍ଷଂ ସ୍ତବୈରର୍ଚେନ୍ନରଃ ସଦା ॥ ୧୪॥

ପରମଂ ୟୋ ମହତ୍ତେଜଃ ପରମଂ ୟୋ ମହତ୍ତପଃ ।
ପରମଂ ୟୋ ମହଦ୍ୱ୍ରହ୍ମ ପରମଂ ୟଃ ପରାୟଣମ୍ ॥ ୧୫॥

ପବିତ୍ରାଣାଂ ପବିତ୍ରଂ ୟୋ ମଙ୍ଗଲାନାଂ ଚ ମଙ୍ଗଲମ୍ ।
ଦୈବତଂ ଦେବତାନାଂ ଚ ଭୂତାନାଂ ୟୋଽବ୍ୟୟଃ ପିତା ॥ ୧୬॥

ୟତଃ ସର୍ୱାଣି ଭୂତାନି ଭବନ୍ତ୍ୟାଦିୟୁଗାଗମେ ।
ୟସ୍ମିଂଶ୍ଚ ପ୍ରଲୟଂ ୟାନ୍ତି ପୁନରେବ ୟୁଗକ୍ଷୟେ ॥ ୧୭॥

ତସ୍ୟ ଲୋକପ୍ରଧାନସ୍ୟ ଜଗନ୍ନାଥସ୍ୟ ଭୂପତେ ।
ବିଷ୍ଣୋର୍ନାମସହସ୍ରଂ ମେ ଶୃଣୁ ପାପଭୟାପହମ୍ ॥ ୧୮॥

ୟାନି ନାମାନି ଗୌଣାନି ବିଖ୍ୟାତାନି ମହାତ୍ମନଃ ।
ଋଷିଭିଃ ପରିଗୀତାନି ତାନି ବକ୍ଷ୍ୟାମି ଭୂତୟେ ॥ ୧୯॥

ଋଷିର୍ନାମ୍ନାଂ ସହସ୍ରସ୍ୟ ବେଦବ୍ୟାସୋ ମହାମୁନିଃ ।
ଛନ୍ଦୋଽନୁଷ୍ଟୁପ୍ ତଥା ଦେବୋ ଭଗବାନ୍ ଦେବକୀସୁତଃ ॥ ୨୦॥

ଅମୃତାଂଶୂଦ୍ଭବୋ ବୀଜଂ ଶକ୍ତିର୍ଦେବକୀନନ୍ଦନଃ ।
ତ୍ରିସାମା ହୃଦୟଂ ତସ୍ୟ ଶାନ୍ତ୍ୟର୍ଥେ ବିନିୟୁଜ୍ୟତେ ॥ ୨୧॥

ବିଷ୍ଣୁଂ ଜିଷ୍ଣୁଂ ମହାବିଷ୍ଣୁଂ ପ୍ରଭବିଷ୍ଣୁଂ ମହେଶ୍ୱରମ୍ ।
ଅନେକରୂପଦୈତ୍ୟାନ୍ତଂ ନମାମି ପୁରୁଷୋତ୍ତମମ୍ ॥ ୨୨॥

॥ ପୂର୍ୱନ୍ୟାସଃ ॥

ଶ୍ରୀବେଦବ୍ୟାସ ଉବାଚ —
ଓଁ ଅସ୍ୟ ଶ୍ରୀବିଷ୍ଣୋର୍ଦିବ୍ୟସହସ୍ରନାମସ୍ତୋତ୍ରମହାମନ୍ତ୍ରସ୍ୟ ।
ଶ୍ରୀବେଦବ୍ୟାସୋ ଭଗବାନ୍ ଋଷିଃ ।
ଅନୁଷ୍ଟୁପ୍ ଛନ୍ଦଃ ।
ଶ୍ରୀମହାବିଷ୍ଣୁଃ ପରମାତ୍ମା ଶ୍ରୀମନ୍ନାରାୟଣୋ ଦେବତା ।
ଅମୃତାଂଶୂଦ୍ଭବୋ ଭାନୁରିତି ବୀଜମ୍ ।
ଦେବକୀନନ୍ଦନଃ ସ୍ରଷ୍ଟେତି ଶକ୍ତିଃ ।
ଉଦ୍ଭବଃ କ୍ଷୋଭଣୋ ଦେବ ଇତି ପରମୋ ମନ୍ତ୍ରଃ ।
ଶଙ୍ଖଭୃନ୍ନନ୍ଦକୀ ଚକ୍ରୀତି କୀଲକମ୍ ।
ଶାର୍ଙ୍ଗଧନ୍ବା ଗଦାଧର ଇତ୍ୟସ୍ତ୍ରମ୍ ।
ରଥାଙ୍ଗପାଣିରକ୍ଷୋଭ୍ୟ ଇତି ନେତ୍ରମ୍ ।
ତ୍ରିସାମା ସାମଗଃ ସାମେତି କବଚମ୍ ।
ଆନନ୍ଦଂ ପରବ୍ରହ୍ମେତି ୟୋନିଃ ।
ଋତୁଃ ସୁଦର୍ଶନଃ କାଲ ଇତି ଦିଗ୍ୱନ୍ଧଃ ।
ଶ୍ରୀବିଶ୍ୱରୂପ ଇତି ଧ୍ୟାନମ୍ ।
ଶ୍ରୀମହାବିଷ୍ଣୁପ୍ରୀତ୍ୟର୍ଥେ ସହସ୍ରନାମସ୍ତୋତ୍ରପାଠେ ବିନିୟୋଗଃ ॥

ଅଥ ନ୍ୟାସଃ ।
ଓଁ ଶିରସି ବେଦବ୍ୟାସର୍ଷୟେ ନମଃ ।
ମୁଖେ ଅନୁଷ୍ଟୁପ୍ଛନ୍ଦସେ ନମଃ ।
ହୃଦି ଶ୍ରୀକୃଷ୍ଣପରମାତ୍ମଦେବତାୟୈ ନମଃ ।
ଗୁହ୍ୟେ ଅମୃତାଂଶୂଦ୍ଭବୋ ଭାନୁରିତି ବୀଜାୟ ନମଃ ।
ପାଦୟୋର୍ଦେବକୀନନ୍ଦନଃ ସ୍ରଷ୍ଟେତି ଶକ୍ତୟେ ନମଃ ।
ସର୍ୱାଙ୍ଗେ ଶଙ୍ଖଭୃନ୍ନନ୍ଦକୀ ଚକ୍ରୀତି କୀଲକାୟ ନମଃ ।
କରସମ୍ପୂଟେ ମମ ଶ୍ରୀକୃଷ୍ଣପ୍ରୀତ୍ୟର୍ଥେ ଜପେ ବିନିୟୋଗଃ ॥

ଇତି ଋଷ୍ୟାଦିନ୍ୟାସଃ ॥

ଅଥ କରନ୍ୟାସଃ ।
ଓଁ ବିଶ୍ୱଂ ବିଷ୍ଣୁର୍ୱଷଟ୍କାର ଇତ୍ୟଙ୍ଗୁଷ୍ଠାଭ୍ୟାଂ ନମଃ ।
ଅମୃତାଂଶୂଦ୍ଭବୋ ଭାନୁରିତି ତର୍ଜନୀଭ୍ୟାଂ ନମଃ ।
ବ୍ରହ୍ମଣ୍ୟୋ ବ୍ରହ୍ମକୃଦ୍ୱ୍ରହ୍ମେତି ମଧ୍ୟମାଭ୍ୟାଂ ନମଃ ।
ସୁବର୍ଣବିନ୍ଦୁରକ୍ଷୋଭ୍ୟ ଇତ୍ୟନାମିକାଭ୍ୟାଂ ନମଃ ।
ନିମିଷୋଽନିମିଷଃ ସ୍ରଗ୍ୱୀତି କନିଷ୍ଠିକାଭ୍ୟାଂ ନମଃ ।
ରଥାଙ୍ଗପାଣିରକ୍ଷୋଭ୍ୟ ଇତି କରତଲକରପୃଷ୍ଠାଭ୍ୟାଂ ନମଃ ।

ଇତି କରନ୍ୟାସଃ ॥

ଅଥ ଷଡଙ୍ଗନ୍ୟାସଃ ।
ଓଁ ବିଶ୍ୱଂ ବିଷ୍ଣୁର୍ୱଷଟ୍କାର ଇତି ହୃଦୟାୟ ନମଃ ।
ଅମୃତାଂଶୂଦ୍ଭବୋ ଭାନୁରିତି ଶିରସେ ସ୍ୱାହା ।
ବ୍ରହ୍ମଣ୍ୟୋ ବ୍ରହ୍ମକୃଦ୍ୱ୍ରହ୍ମେତି ଶିଖାୟୈ ବଷଟ୍ ।
ସୁବର୍ଣବିନ୍ଦୁରକ୍ଷୋଭ୍ୟ ଇତି କବଚାୟ ହୁମ୍ ।
ନିମିଷୋଽନିମିଷଃ ସ୍ରଗ୍ୱୀତି ନେତ୍ରତ୍ରୟାୟ ବୌଷଟ୍ ।
ରଥାଙ୍ଗପାଣିରକ୍ଷୋଭ୍ୟ ଇତ୍ୟସ୍ତ୍ରାୟ ଫଟ୍ ।

ଇତି ଷଡଙ୍ଗନ୍ୟାସଃ ॥

ଶ୍ରୀକୃଷ୍ଣପ୍ରୀତ୍ୟର୍ଥେ ବିଷ୍ଣୋର୍ଦିବ୍ୟସହସ୍ରନାମଜପମହଂ କରିଷ୍ୟେ ଇତି ସଙ୍କଲ୍ପଃ ।

॥ ଧ୍ୟାନମ୍ ॥

କ୍ଷୀରୋଦନ୍ବତ୍ପ୍ରଦେଶେ ଶୁଚିମଣିବିଲସତ୍ସୈକତେ ମୌକ୍ତିକାନାଂ
ମାଲାକॢପ୍ତାସନସ୍ଥଃ ସ୍ଫଟିକମଣିନିଭୈର୍ମୌକ୍ତିକୈର୍ମଣ୍ଡିତାଙ୍ଗଃ ।
ଶୁଭ୍ରୈରଭ୍ରୈରଦଭ୍ରୈରୁପରିବିରଚିତୈର୍ମୁକ୍ତପୀୟୂଷବର୍ଷୈ-
ରାନନ୍ଦୀ ନଃ ପୁନୀୟାଦରିନଲିନଗଦାଶଙ୍ଖପାଣିର୍ମୁକୁନ୍ଦଃ ॥ ୧॥

ଭୂଃ ପାଦୌ ୟସ୍ୟ ନାଭିର୍ୱିୟଦସୁରନିଲଶ୍ଚନ୍ଦ୍ରସୂର୍ୟୌ ଚ ନେତ୍ରେ
କର୍ଣାବାଶାଃ ଶିରୋ ଦ୍ୟୌର୍ମୁଖମପି ଦହନୋ ୟସ୍ୟ ବାସ୍ତେୟମବ୍ଧିଃ ।
ଅନ୍ତଃସ୍ଥଂ ୟସ୍ୟ ବିଶ୍ୱଂ ସୁରନରଖଗଗୋଭୋଗିଗନ୍ଧର୍ୱଦୈତ୍ୟୈଃ
ଚିତ୍ରଂ ରମ୍ୟତେ ତଂ ତ୍ରିଭୁବନବପୁଷଂ ବିଷ୍ଣୁମୀଶଂ ନମାମି ॥ ୨॥

ଓଁ ନମୋ ଭଗବତେ ବାସୁଦେବାୟ ॥

ଓଁ ଶାନ୍ତାକାରଂ ଭୁଜଗଶୟନଂ ପଦ୍ମନାଭଂ ସୁରେଶଂ
ବିଶ୍ୱାଧାରଂ ଗଗନସଦୃଶଂ ମେଘବର୍ଣଂ ଶୁଭାଙ୍ଗମ୍ ।
ଲକ୍ଷ୍ମୀକାନ୍ତଂ କମଲନୟନଂ ୟୋଗିଭିର୍ଧ୍ୟାନଗମ୍ୟଂ
ବନ୍ଦେ ବିଷ୍ଣୁଂ ଭବଭୟହରଂ ସର୍ୱଲୋକୈକନାଥମ୍ ॥ ୩॥

ମେଘଶ୍ୟାମଂ ପୀତକୌଶେୟବାସଂ
ଶ୍ରୀବତ୍ସାଙ୍କଂ କୌସ୍ତୁଭୋଦ୍ଭାସିତାଙ୍ଗମ୍ ।
ପୁଣ୍ୟୋପେତଂ ପୁଣ୍ଡରୀକାୟତାକ୍ଷଂ
ବିଷ୍ଣୁଂ ବନ୍ଦେ ସର୍ୱଲୋକୈକନାଥମ୍ ॥ ୪॥

ନମଃ ସମସ୍ତଭୂତାନାମାଦିଭୂତାୟ ଭୂଭୃତେ ।
ଅନେକରୂପରୂପାୟ ବିଷ୍ଣବେ ପ୍ରଭବିଷ୍ଣବେ ॥ ୫॥

ସଶଙ୍ଖଚକ୍ରଂ ସକିରୀଟକୁଣ୍ଡଲଂ
ସପୀତବସ୍ତ୍ରଂ ସରସୀରୁହେକ୍ଷଣମ୍ ।
ସହାରବକ୍ଷଃସ୍ଥଲକୌସ୍ତୁଭଶ୍ରିୟଂ
ନମାମି ବିଷ୍ଣୁଂ ଶିରସା ଚତୁର୍ଭୁଜମ୍ ॥ ୬॥

ଛାୟାୟାଂ ପାରିଜାତସ୍ୟ ହେମସିଂହାସନୋପରି
ଆସୀନମମ୍ବୁଦଶ୍ୟାମମାୟତାକ୍ଷମଲଂକୃତମ୍ ।
ଚନ୍ଦ୍ରାନନଂ ଚତୁର୍ୱାହୁଂ ଶ୍ରୀବତ୍ସାଙ୍କିତବକ୍ଷସଂ
ରୁକ୍ମିଣୀସତ୍ୟଭାମାଭ୍ୟାଂ ସହିତଂ କୃଷ୍ଣମାଶ୍ରୟେ ॥ ୭॥

॥ ସ୍ତୋତ୍ରମ୍ ॥
ହରିଃ ଓଁ ।

ଓଁ ବିଶ୍ୱଂ ବିଷ୍ଣୁର୍ୱଷଟ୍କାରୋ ଭୂତଭବ୍ୟଭବତ୍ପ୍ରଭୁଃ ।
ଭୂତକୃଦ୍ଭୂତଭୃଦ୍ଭାବୋ ଭୂତାତ୍ମା ଭୂତଭାବନଃ ॥ ୧॥

ପୂତାତ୍ମା ପରମାତ୍ମା ଚ ମୁକ୍ତାନାଂ ପରମା ଗତିଃ ।
ଅବ୍ୟୟଃ ପୁରୁଷଃ ସାକ୍ଷୀ କ୍ଷେତ୍ରଜ୍ଞୋଽକ୍ଷର ଏବ ଚ ॥ ୨॥

ୟୋଗୋ ୟୋଗବିଦାଂ ନେତା ପ୍ରଧାନପୁରୁଷେଶ୍ୱରଃ ।
ନାରସିଂହବପୁଃ ଶ୍ରୀମାନ୍ କେଶବଃ ପୁରୁଷୋତ୍ତମଃ ॥ ୩॥

ସର୍ୱଃ ଶର୍ୱଃ ଶିବଃ ସ୍ଥାଣୁର୍ଭୂତାଦିର୍ନିଧିରବ୍ୟୟଃ ।
ସମ୍ଭବୋ ଭାବନୋ ଭର୍ତା ପ୍ରଭବଃ ପ୍ରଭୁରୀଶ୍ୱରଃ ॥ ୪॥

ସ୍ୱୟମ୍ଭୂଃ ଶମ୍ଭୁରାଦିତ୍ୟଃ ପୁଷ୍କରାକ୍ଷୋ ମହାସ୍ୱନଃ ।
ଅନାଦିନିଧନୋ ଧାତା ବିଧାତା ଧାତୁରୁତ୍ତମଃ ॥ ୫॥

ଅପ୍ରମେୟୋ ହୃଷୀକେଶଃ ପଦ୍ମନାଭୋଽମରପ୍ରଭୁଃ ।
ବିଶ୍ୱକର୍ମା ମନୁସ୍ତ୍ୱଷ୍ଟା ସ୍ଥବିଷ୍ଠଃ ସ୍ଥବିରୋ ଧ୍ରୁବଃ ॥ ୬॥

ଅଗ୍ରାହ୍ୟଃ ଶାଶ୍ୱତଃ କୃଷ୍ଣୋ ଲୋହିତାକ୍ଷଃ ପ୍ରତର୍ଦନଃ ।
ପ୍ରଭୂତସ୍ତ୍ରିକକୁବ୍ଧାମ ପବିତ୍ରଂ ମଙ୍ଗଲଂ ପରମ୍ ॥ ୭॥

ଈଶାନଃ ପ୍ରାଣଦଃ ପ୍ରାଣୋ ଜ୍ୟେଷ୍ଠଃ ଶ୍ରେଷ୍ଠଃ ପ୍ରଜାପତିଃ ।
ହିରଣ୍ୟଗର୍ଭୋ ଭୂଗର୍ଭୋ ମାଧବୋ ମଧୁସୂଦନଃ ॥ ୮॥

ଈଶ୍ୱରୋ ବିକ୍ରମୀ ଧନ୍ବୀ ମେଧାବୀ ବିକ୍ରମଃ କ୍ରମଃ ।
ଅନୁତ୍ତମୋ ଦୁରାଧର୍ଷଃ କୃତଜ୍ଞଃ କୃତିରାତ୍ମବାନ୍ ॥ ୯॥

ସୁରେଶଃ ଶରଣଂ ଶର୍ମ ବିଶ୍ୱରେତାଃ ପ୍ରଜାଭବଃ ।
ଅହଃ ସଂବତ୍ସରୋ ବ୍ୟାଲଃ ପ୍ରତ୍ୟୟଃ ସର୍ୱଦର୍ଶନଃ ॥ ୧୦॥

ଅଜଃ ସର୍ୱେଶ୍ୱରଃ ସିଦ୍ଧଃ ସିଦ୍ଧିଃ ସର୍ୱାଦିରଚ୍ୟୁତଃ ।
ବୃଷାକପିରମେୟାତ୍ମା ସର୍ୱୟୋଗବିନିଃସୃତଃ ॥ ୧୧॥

ବସୁର୍ୱସୁମନାଃ ସତ୍ୟଃ ସମାତ୍ମାଽସମ୍ମିତଃ ସମଃ ।
ଅମୋଘଃ ପୁଣ୍ଡରୀକାକ୍ଷୋ ବୃଷକର୍ମା ବୃଷାକୃତିଃ ॥ ୧୨॥

ରୁଦ୍ରୋ ବହୁଶିରା ବଭ୍ରୁର୍ୱିଶ୍ୱୟୋନିଃ ଶୁଚିଶ୍ରବାଃ ।
ଅମୃତଃ ଶାଶ୍ୱତସ୍ଥାଣୁର୍ୱରାରୋହୋ ମହାତପାଃ ॥ ୧୩॥

ସର୍ୱଗଃ ସର୍ୱବିଦ୍ଭାନୁର୍ୱିଷ୍ୱକ୍ସେନୋ ଜନାର୍ଦନଃ ।
ବେଦୋ ବେଦବିଦବ୍ୟଙ୍ଗୋ ବେଦାଙ୍ଗୋ ବେଦବିତ୍ କବିଃ ॥ ୧୪॥

ଲୋକାଧ୍ୟକ୍ଷଃ ସୁରାଧ୍ୟକ୍ଷୋ ଧର୍ମାଧ୍ୟକ୍ଷଃ କୃତାକୃତଃ ।
ଚତୁରାତ୍ମା ଚତୁର୍ୱ୍ୟୂହଶ୍ଚତୁର୍ଦଂଷ୍ଟ୍ରଶ୍ଚତୁର୍ଭୁଜଃ ॥ ୧୫॥

ଭ୍ରାଜିଷ୍ଣୁର୍ଭୋଜନଂ ଭୋକ୍ତା ସହିଷ୍ଣୁର୍ଜଗଦାଦିଜଃ ।
ଅନଘୋ ବିଜୟୋ ଜେତା ବିଶ୍ୱୟୋନିଃ ପୁନର୍ୱସୁଃ ॥ ୧୬॥

ଉପେନ୍ଦ୍ରୋ ବାମନଃ ପ୍ରାଂଶୁରମୋଘଃ ଶୁଚିରୂର୍ଜିତଃ ।
ଅତୀନ୍ଦ୍ରଃ ସଙ୍ଗ୍ରହଃ ସର୍ଗୋ ଧୃତାତ୍ମା ନିୟମୋ ୟମଃ ॥ ୧୭॥

ବେଦ୍ୟୋ ବୈଦ୍ୟଃ ସଦାୟୋଗୀ ବୀରହା ମାଧବୋ ମଧୁଃ ।
ଅତୀନ୍ଦ୍ରିୟୋ ମହାମାୟୋ ମହୋତ୍ସାହୋ ମହାବଲଃ ॥ ୧୮॥

ମହାବୁଦ୍ଧିର୍ମହାବୀର୍ୟୋ ମହାଶକ୍ତିର୍ମହାଦ୍ୟୁତିଃ ।
ଅନିର୍ଦେଶ୍ୟବପୁଃ ଶ୍ରୀମାନମେୟାତ୍ମା ମହାଦ୍ରିଧୃକ୍ ॥ ୧୯॥

ମହେଷ୍ୱାସୋ ମହୀଭର୍ତା ଶ୍ରୀନିବାସଃ ସତାଂ ଗତିଃ ।
ଅନିରୁଦ୍ଧଃ ସୁରାନନ୍ଦୋ ଗୋବିନ୍ଦୋ ଗୋବିଦାଂ ପତିଃ ॥ ୨୦॥

ମରୀଚିର୍ଦମନୋ ହଂସଃ ସୁପର୍ଣୋ ଭୁଜଗୋତ୍ତମଃ ।
ହିରଣ୍ୟନାଭଃ ସୁତପାଃ ପଦ୍ମନାଭଃ ପ୍ରଜାପତିଃ ॥ ୨୧॥

ଅମୃତ୍ୟୁଃ ସର୍ୱଦୃକ୍ ସିଂହଃ ସନ୍ଧାତା ସନ୍ଧିମାନ୍ ସ୍ଥିରଃ ।
ଅଜୋ ଦୁର୍ମର୍ଷଣଃ ଶାସ୍ତା ବିଶ୍ରୁତାତ୍ମା ସୁରାରିହା ॥ ୨୨॥

ଗୁରୁର୍ଗୁରୁତମୋ ଧାମ ସତ୍ୟଃ ସତ୍ୟପରାକ୍ରମଃ ।
ନିମିଷୋଽନିମିଷଃ ସ୍ରଗ୍ୱୀ ବାଚସ୍ପତିରୁଦାରଧୀଃ ॥ ୨୩॥

ଅଗ୍ରଣୀର୍ଗ୍ରାମଣୀଃ ଶ୍ରୀମାନ୍ ନ୍ୟାୟୋ ନେତା ସମୀରଣଃ ।
ସହସ୍ରମୂର୍ଧା ବିଶ୍ୱାତ୍ମା ସହସ୍ରାକ୍ଷଃ ସହସ୍ରପାତ୍ ॥ ୨୪॥

ଆବର୍ତନୋ ନିବୃତ୍ତାତ୍ମା ସଂବୃତଃ ସମ୍ପ୍ରମର୍ଦନଃ ।
ଅହଃ ସଂବର୍ତକୋ ବହ୍ନିରନିଲୋ ଧରଣୀଧରଃ ॥ ୨୫॥

ସୁପ୍ରସାଦଃ ପ୍ରସନ୍ନାତ୍ମା ବିଶ୍ୱଧୃଗ୍ୱିଶ୍ୱଭୁଗ୍ୱିଭୁଃ ।
ସତ୍କର୍ତା ସତ୍କୃତଃ ସାଧୁର୍ଜହ୍ନୁର୍ନାରାୟଣୋ ନରଃ ॥ ୨୬॥

ଅସଙ୍ଖ୍ୟେୟୋଽପ୍ରମେୟାତ୍ମା ବିଶିଷ୍ଟଃ ଶିଷ୍ଟକୃଚ୍ଛୁଚିଃ ।
ସିଦ୍ଧାର୍ଥଃ ସିଦ୍ଧସଙ୍କଲ୍ପଃ ସିଦ୍ଧିଦଃ ସିଦ୍ଧିସାଧନଃ ॥ ୨୭॥

ବୃଷାହୀ ବୃଷଭୋ ବିଷ୍ଣୁର୍ୱୃଷପର୍ୱା ବୃଷୋଦରଃ ।
ବର୍ଧନୋ ବର୍ଧମାନଶ୍ଚ ବିବିକ୍ତଃ ଶ୍ରୁତିସାଗରଃ ॥ ୨୮॥

ସୁଭୁଜୋ ଦୁର୍ଧରୋ ବାଗ୍ମୀ ମହେନ୍ଦ୍ରୋ ବସୁଦୋ ବସୁଃ ।
ନୈକରୂପୋ ବୃହଦ୍ରୂପଃ ଶିପିବିଷ୍ଟଃ ପ୍ରକାଶନଃ ॥ ୨୯॥

ଓଜସ୍ତେଜୋଦ୍ୟୁତିଧରଃ ପ୍ରକାଶାତ୍ମା ପ୍ରତାପନଃ ।
ଋଦ୍ଧଃ ସ୍ପଷ୍ଟାକ୍ଷରୋ ମନ୍ତ୍ରଶ୍ଚନ୍ଦ୍ରାଂଶୁର୍ଭାସ୍କରଦ୍ୟୁତିଃ ॥ ୩୦॥

ଅମୃତାଂଶୂଦ୍ଭବୋ ଭାନୁଃ ଶଶବିନ୍ଦୁଃ ସୁରେଶ୍ୱରଃ ।
ଔଷଧଂ ଜଗତଃ ସେତୁଃ ସତ୍ୟଧର୍ମପରାକ୍ରମଃ ॥ ୩୧॥

ଭୂତଭବ୍ୟଭବନ୍ନାଥଃ ପବନଃ ପାବନୋଽନଲଃ ।
କାମହା କାମକୃତ୍କାନ୍ତଃ କାମଃ କାମପ୍ରଦଃ ପ୍ରଭୁଃ ॥ ୩୨॥

ୟୁଗାଦିକୃଦ୍ୟୁଗାବର୍ତୋ ନୈକମାୟୋ ମହାଶନଃ ।
ଅଦୃଶ୍ୟୋ ବ୍ୟକ୍ତରୂପଶ୍ଚ ସହସ୍ରଜିଦନନ୍ତଜିତ୍ ॥ ୩୩॥

ଇଷ୍ଟୋଽବିଶିଷ୍ଟଃ ଶିଷ୍ଟେଷ୍ଟଃ ଶିଖଣ୍ଡୀ ନହୁଷୋ ବୃଷଃ ।
କ୍ରୋଧହା କ୍ରୋଧକୃତ୍କର୍ତା ବିଶ୍ୱବାହୁର୍ମହୀଧରଃ ॥ ୩୪॥

ଅଚ୍ୟୁତଃ ପ୍ରଥିତଃ ପ୍ରାଣଃ ପ୍ରାଣଦୋ ବାସବାନୁଜଃ ।
ଅପାଂନିଧିରଧିଷ୍ଠାନମପ୍ରମତ୍ତଃ ପ୍ରତିଷ୍ଠିତଃ ॥ ୩୫॥

ସ୍କନ୍ଦଃ ସ୍କନ୍ଦଧରୋ ଧୁର୍ୟୋ ବରଦୋ ବାୟୁବାହନଃ ।
ବାସୁଦେବୋ ବୃହଦ୍ଭାନୁରାଦିଦେବଃ ପୁରନ୍ଦରଃ ॥ ୩୬॥

ଅଶୋକସ୍ତାରଣସ୍ତାରଃ ଶୂରଃ ଶୌରିର୍ଜନେଶ୍ୱରଃ ।
ଅନୁକୂଲଃ ଶତାବର୍ତଃ ପଦ୍ମୀ ପଦ୍ମନିଭେକ୍ଷଣଃ ॥ ୩୭॥

ପଦ୍ମନାଭୋଽରବିନ୍ଦାକ୍ଷଃ ପଦ୍ମଗର୍ଭଃ ଶରୀରଭୃତ୍ ।
ମହର୍ଦ୍ଧିରୃଦ୍ଧୋ ବୃଦ୍ଧାତ୍ମା ମହାକ୍ଷୋ ଗରୁଡଧ୍ୱଜଃ ॥ ୩୮॥

ଅତୁଲଃ ଶରଭୋ ଭୀମଃ ସମୟଜ୍ଞୋ ହବିର୍ହରିଃ ।
ସର୍ୱଲକ୍ଷଣଲକ୍ଷଣ୍ୟୋ ଲକ୍ଷ୍ମୀବାନ୍ ସମିତିଞ୍ଜୟଃ ॥ ୩୯॥

ବିକ୍ଷରୋ ରୋହିତୋ ମାର୍ଗୋ ହେତୁର୍ଦାମୋଦରଃ ସହଃ ।
ମହୀଧରୋ ମହାଭାଗୋ ବେଗବାନମିତାଶନଃ ॥ ୪୦॥

ଉଦ୍ଭବଃ କ୍ଷୋଭଣୋ ଦେବଃ ଶ୍ରୀଗର୍ଭଃ ପରମେଶ୍ୱରଃ ।
କରଣଂ କାରଣଂ କର୍ତା ବିକର୍ତା ଗହନୋ ଗୁହଃ ॥ ୪୧॥

ବ୍ୟବସାୟୋ ବ୍ୟବସ୍ଥାନଃ ସଂସ୍ଥାନଃ ସ୍ଥାନଦୋ ଧ୍ରୁବଃ ।
ପରର୍ଦ୍ଧିଃ ପରମସ୍ପଷ୍ଟସ୍ତୁଷ୍ଟଃ ପୁଷ୍ଟଃ ଶୁଭେକ୍ଷଣଃ ॥ ୪୨॥

ରାମୋ ବିରାମୋ ବିରଜୋ ମାର୍ଗୋ ନେୟୋ ନୟୋଽନୟଃ ।
ବୀରଃ ଶକ୍ତିମତାଂ ଶ୍ରେଷ୍ଠୋ ଧର୍ମୋ ଧର୍ମବିଦୁତ୍ତମଃ ॥ ୪୩॥

ବୈକୁଣ୍ଠଃ ପୁରୁଷଃ ପ୍ରାଣଃ ପ୍ରାଣଦଃ ପ୍ରଣବଃ ପୃଥୁଃ ।
ହିରଣ୍ୟଗର୍ଭଃ ଶତ୍ରୁଘ୍ନୋ ବ୍ୟାପ୍ତୋ ବାୟୁରଧୋକ୍ଷଜଃ ॥ ୪୪॥

ଋତୁଃ ସୁଦର୍ଶନଃ କାଲଃ ପରମେଷ୍ଠୀ ପରିଗ୍ରହଃ ।
ଉଗ୍ରଃ ସଂବତ୍ସରୋ ଦକ୍ଷୋ ବିଶ୍ରାମୋ ବିଶ୍ୱଦକ୍ଷିଣଃ ॥ ୪୫॥

ବିସ୍ତାରଃ ସ୍ଥାବରସ୍ଥାଣୁଃ ପ୍ରମାଣଂ ବୀଜମବ୍ୟୟମ୍ ।
ଅର୍ଥୋଽନର୍ଥୋ ମହାକୋଶୋ ମହାଭୋଗୋ ମହାଧନଃ ॥ ୪୬॥

ଅନିର୍ୱିଣ୍ଣଃ ସ୍ଥବିଷ୍ଠୋଽଭୂର୍ଧର୍ମୟୂପୋ ମହାମଖଃ ।
ନକ୍ଷତ୍ରନେମିର୍ନକ୍ଷତ୍ରୀ କ୍ଷମଃ କ୍ଷାମଃ ସମୀହନଃ ॥ ୪୭॥

ୟଜ୍ଞ ଇଜ୍ୟୋ ମହେଜ୍ୟଶ୍ଚ କ୍ରତୁଃ ସତ୍ରଂ ସତାଂ ଗତିଃ ।
ସର୍ୱଦର୍ଶୀ ବିମୁକ୍ତାତ୍ମା ସର୍ୱଜ୍ଞୋ ଜ୍ଞାନମୁତ୍ତମମ୍ ॥ ୪୮॥

ସୁବ୍ରତଃ ସୁମୁଖଃ ସୂକ୍ଷ୍ମଃ ସୁଘୋଷଃ ସୁଖଦଃ ସୁହୃତ୍ ।
ମନୋହରୋ ଜିତକ୍ରୋଧୋ ବୀରବାହୁର୍ୱିଦାରଣଃ ॥ ୪୯॥

ସ୍ୱାପନଃ ସ୍ୱବଶୋ ବ୍ୟାପୀ ନୈକାତ୍ମା ନୈକକର୍ମକୃତ୍ ।
ବତ୍ସରୋ ବତ୍ସଲୋ ବତ୍ସୀ ରତ୍ନଗର୍ଭୋ ଧନେଶ୍ୱରଃ ॥ ୫୦॥

ଧର୍ମଗୁବ୍ଧର୍ମକୃଦ୍ଧର୍ମୀ ସଦସତ୍କ୍ଷରମକ୍ଷରମ୍ ।
ଅବିଜ୍ଞାତା ସହସ୍ରାଂଶୁର୍ୱିଧାତା କୃତଲକ୍ଷଣଃ ॥ ୫୧॥

ଗଭସ୍ତିନେମିଃ ସତ୍ତ୍ୱସ୍ଥଃ ସିଂହୋ ଭୂତମହେଶ୍ୱରଃ ।
ଆଦିଦେବୋ ମହାଦେବୋ ଦେବେଶୋ ଦେବଭୃଦ୍ଗୁରୁଃ ॥ ୫୨॥

ଉତ୍ତରୋ ଗୋପତିର୍ଗୋପ୍ତା ଜ୍ଞାନଗମ୍ୟଃ ପୁରାତନଃ ।
ଶରୀରଭୂତଭୃଦ୍ଭୋକ୍ତା କପୀନ୍ଦ୍ରୋ ଭୂରିଦକ୍ଷିଣଃ ॥ ୫୩॥

ସୋମପୋଽମୃତପଃ ସୋମଃ ପୁରୁଜିତ୍ପୁରୁସତ୍ତମଃ ।
ବିନୟୋ ଜୟଃ ସତ୍ୟସନ୍ଧୋ ଦାଶାର୍ହଃ ସାତ୍ୱତାମ୍ପତିଃ ॥ ୫୪॥

ଜୀବୋ ବିନୟିତା ସାକ୍ଷୀ ମୁକୁନ୍ଦୋଽମିତବିକ୍ରମଃ ।
ଅମ୍ଭୋନିଧିରନନ୍ତାତ୍ମା ମହୋଦଧିଶୟୋଽନ୍ତକଃ ॥ ୫୫॥

ଅଜୋ ମହାର୍ହଃ ସ୍ୱାଭାବ୍ୟୋ ଜିତାମିତ୍ରଃ ପ୍ରମୋଦନଃ ।
ଆନନ୍ଦୋ ନନ୍ଦନୋ ନନ୍ଦଃ ସତ୍ୟଧର୍ମା ତ୍ରିବିକ୍ରମଃ ॥ ୫୬॥

ମହର୍ଷିଃ କପିଲାଚାର୍ୟଃ କୃତଜ୍ଞୋ ମେଦିନୀପତିଃ ।
ତ୍ରିପଦସ୍ତ୍ରିଦଶାଧ୍ୟକ୍ଷୋ ମହାଶ‍ୃଙ୍ଗଃ କୃତାନ୍ତକୃତ୍ ॥ ୫୭॥

ମହାବରାହୋ ଗୋବିନ୍ଦଃ ସୁଷେଣଃ କନକାଙ୍ଗଦୀ ।
ଗୁହ୍ୟୋ ଗଭୀରୋ ଗହନୋ ଗୁପ୍ତଶ୍ଚକ୍ରଗଦାଧରଃ ॥ ୫୮॥

ବେଧାଃ ସ୍ୱାଙ୍ଗୋଽଜିତଃ କୃଷ୍ଣୋ ଦୃଢଃ ସଙ୍କର୍ଷଣୋଽଚ୍ୟୁତଃ ।
ବରୁଣୋ ବାରୁଣୋ ବୃକ୍ଷଃ ପୁଷ୍କରାକ୍ଷୋ ମହାମନାଃ ॥ ୫୯॥

ଭଗବାନ୍ ଭଗହାଽଽନନ୍ଦୀ ବନମାଲୀ ହଲାୟୁଧଃ ।
ଆଦିତ୍ୟୋ ଜ୍ୟୋତିରାଦିତ୍ୟଃ ସହିଷ୍ଣୁର୍ଗତିସତ୍ତମଃ ॥ ୬୦॥

ସୁଧନ୍ବା ଖଣ୍ଡପରଶୁର୍ଦାରୁଣୋ ଦ୍ରବିଣପ୍ରଦଃ ।
ଦିବସ୍ପୃକ୍ ସର୍ୱଦୃଗ୍ୱ୍ୟାସୋ ବାଚସ୍ପତିରୟୋନିଜଃ ॥ ୬୧॥

ତ୍ରିସାମା ସାମଗଃ ସାମ ନିର୍ୱାଣଂ ଭେଷଜଂ ଭିଷକ୍ ।
ସଂନ୍ୟାସକୃଚ୍ଛମଃ ଶାନ୍ତୋ ନିଷ୍ଠା ଶାନ୍ତିଃ ପରାୟଣମ୍ ॥ ୬୨॥

ଶୁଭାଙ୍ଗଃ ଶାନ୍ତିଦଃ ସ୍ରଷ୍ଟା କୁମୁଦଃ କୁବଲେଶୟଃ ।
ଗୋହିତୋ ଗୋପତିର୍ଗୋପ୍ତା ବୃଷଭାକ୍ଷୋ ବୃଷପ୍ରିୟଃ ॥ ୬୩॥

ଅନିବର୍ତୀ ନିବୃତ୍ତାତ୍ମା ସଙ୍କ୍ଷେପ୍ତା କ୍ଷେମକୃଚ୍ଛିବଃ ।
ଶ୍ରୀବତ୍ସବକ୍ଷାଃ ଶ୍ରୀବାସଃ ଶ୍ରୀପତିଃ ଶ୍ରୀମତାଂବରଃ ॥ ୬୪॥

ଶ୍ରୀଦଃ ଶ୍ରୀଶଃ ଶ୍ରୀନିବାସଃ ଶ୍ରୀନିଧିଃ ଶ୍ରୀବିଭାବନଃ ।
ଶ୍ରୀଧରଃ ଶ୍ରୀକରଃ ଶ୍ରେୟଃ ଶ୍ରୀମାଁଲ୍ଲୋକତ୍ରୟାଶ୍ରୟଃ ॥ ୬୫॥

ସ୍ୱକ୍ଷଃ ସ୍ୱଙ୍ଗଃ ଶତାନନ୍ଦୋ ନନ୍ଦିର୍ଜ୍ୟୋତିର୍ଗଣେଶ୍ୱରଃ ।
ବିଜିତାତ୍ମାଽବିଧେୟାତ୍ମା ସତ୍କୀର୍ତିଶ୍ଛିନ୍ନସଂଶୟଃ ॥ ୬୬॥

ଉଦୀର୍ଣଃ ସର୍ୱତଶ୍ଚକ୍ଷୁରନୀଶଃ ଶାଶ୍ୱତସ୍ଥିରଃ ।
ଭୂଶୟୋ ଭୂଷଣୋ ଭୂତିର୍ୱିଶୋକଃ ଶୋକନାଶନଃ ॥ ୬୭॥

ଅର୍ଚିଷ୍ମାନର୍ଚିତଃ କୁମ୍ଭୋ ବିଶୁଦ୍ଧାତ୍ମା ବିଶୋଧନଃ ।
ଅନିରୁଦ୍ଧୋଽପ୍ରତିରଥଃ ପ୍ରଦ୍ୟୁମ୍ନୋଽମିତବିକ୍ରମଃ ॥ ୬୮॥

କାଲନେମିନିହା ବୀରଃ ଶୌରିଃ ଶୂରଜନେଶ୍ୱରଃ ।
ତ୍ରିଲୋକାତ୍ମା ତ୍ରିଲୋକେଶଃ କେଶବଃ କେଶିହା ହରିଃ ॥ ୬୯॥

କାମଦେବଃ କାମପାଲଃ କାମୀ କାନ୍ତଃ କୃତାଗମଃ ।
ଅନିର୍ଦେଶ୍ୟବପୁର୍ୱିଷ୍ଣୁର୍ୱୀରୋଽନନ୍ତୋ ଧନଞ୍ଜୟଃ ॥ ୭୦॥

ବ୍ରହ୍ମଣ୍ୟୋ ବ୍ରହ୍ମକୃଦ୍ ବ୍ରହ୍ମା ବ୍ରହ୍ମ ବ୍ରହ୍ମବିବର୍ଧନଃ ।
ବ୍ରହ୍ମବିଦ୍ ବ୍ରାହ୍ମଣୋ ବ୍ରହ୍ମୀ ବ୍ରହ୍ମଜ୍ଞୋ ବ୍ରାହ୍ମଣପ୍ରିୟଃ ॥ ୭୧॥

ମହାକ୍ରମୋ ମହାକର୍ମା ମହାତେଜା ମହୋରଗଃ ।
ମହାକ୍ରତୁର୍ମହାୟଜ୍ୱା ମହାୟଜ୍ଞୋ ମହାହବିଃ ॥ ୭୨॥

ସ୍ତବ୍ୟଃ ସ୍ତବପ୍ରିୟଃ ସ୍ତୋତ୍ରଂ ସ୍ତୁତିଃ ସ୍ତୋତା ରଣପ୍ରିୟଃ ।
ପୂର୍ଣଃ ପୂରୟିତା ପୁଣ୍ୟଃ ପୁଣ୍ୟକୀର୍ତିରନାମୟଃ ॥ ୭୩॥

ମନୋଜବସ୍ତୀର୍ଥକରୋ ବସୁରେତା ବସୁପ୍ରଦଃ ।
ବସୁପ୍ରଦୋ ବାସୁଦେବୋ ବସୁର୍ୱସୁମନା ହବିଃ ॥ ୭୪॥

ସଦ୍ଗତିଃ ସତ୍କୃତିଃ ସତ୍ତା ସଦ୍ଭୂତିଃ ସତ୍ପରାୟଣଃ ।
ଶୂରସେନୋ ୟଦୁଶ୍ରେଷ୍ଠଃ ସନ୍ନିବାସଃ ସୁୟାମୁନଃ ॥ ୭୫॥

ଭୂତାବାସୋ ବାସୁଦେବଃ ସର୍ୱାସୁନିଲୟୋଽନଲଃ ।
ଦର୍ପହା ଦର୍ପଦୋ ଦୃପ୍ତୋ ଦୁର୍ଧରୋଽଥାପରାଜିତଃ ॥ ୭୬॥

ବିଶ୍ୱମୂର୍ତିର୍ମହାମୂର୍ତିର୍ଦୀପ୍ତମୂର୍ତିରମୂର୍ତିମାନ୍ ।
ଅନେକମୂର୍ତିରବ୍ୟକ୍ତଃ ଶତମୂର୍ତିଃ ଶତାନନଃ ॥ ୭୭॥

ଏକୋ ନୈକଃ ସବଃ କଃ କିଂ ୟତ୍ ତତ୍ପଦମନୁତ୍ତମମ୍ ।
ଲୋକବନ୍ଧୁର୍ଲୋକନାଥୋ ମାଧବୋ ଭକ୍ତବତ୍ସଲଃ ॥ ୭୮॥

ସୁବର୍ଣବର୍ଣୋ ହେମାଙ୍ଗୋ ବରାଙ୍ଗଶ୍ଚନ୍ଦନାଙ୍ଗଦୀ ।
ବୀରହା ବିଷମଃ ଶୂନ୍ୟୋ ଘୃତାଶୀରଚଲଶ୍ଚଲଃ ॥ ୭୯॥

ଅମାନୀ ମାନଦୋ ମାନ୍ୟୋ ଲୋକସ୍ୱାମୀ ତ୍ରିଲୋକଧୃକ୍ ।
ସୁମେଧା ମେଧଜୋ ଧନ୍ୟଃ ସତ୍ୟମେଧା ଧରାଧରଃ ॥ ୮୦॥

ତେଜୋବୃଷୋ ଦ୍ୟୁତିଧରଃ ସର୍ୱଶସ୍ତ୍ରଭୃତାଂ ବରଃ ।
ପ୍ରଗ୍ରହୋ ନିଗ୍ରହୋ ବ୍ୟଗ୍ରୋ ନୈକଶ‍ୃଙ୍ଗୋ ଗଦାଗ୍ରଜଃ ॥ ୮୧॥

ଚତୁର୍ମୂର୍ତିଶ୍ଚତୁର୍ୱାହୁଶ୍ଚତୁର୍ୱ୍ୟୂହଶ୍ଚତୁର୍ଗତିଃ ।
ଚତୁରାତ୍ମା ଚତୁର୍ଭାବଶ୍ଚତୁର୍ୱେଦବିଦେକପାତ୍ ॥ ୮୨॥

ସମାବର୍ତୋଽନିବୃତ୍ତାତ୍ମା ଦୁର୍ଜୟୋ ଦୁରତିକ୍ରମଃ ।
ଦୁର୍ଲଭୋ ଦୁର୍ଗମୋ ଦୁର୍ଗୋ ଦୁରାବାସୋ ଦୁରାରିହା ॥ ୮୩॥

ଶୁଭାଙ୍ଗୋ ଲୋକସାରଙ୍ଗଃ ସୁତନ୍ତୁସ୍ତନ୍ତୁବର୍ଧନଃ ।
ଇନ୍ଦ୍ରକର୍ମା ମହାକର୍ମା କୃତକର୍ମା କୃତାଗମଃ ॥ ୮୪॥

ଉଦ୍ଭବଃ ସୁନ୍ଦରଃ ସୁନ୍ଦୋ ରତ୍ନନାଭଃ ସୁଲୋଚନଃ ।
ଅର୍କୋ ବାଜସନଃ ଶ‍ୃଙ୍ଗୀ ଜୟନ୍ତଃ ସର୍ୱବିଜ୍ଜୟୀ ॥ ୮୫॥

ସୁବର୍ଣବିନ୍ଦୁରକ୍ଷୋଭ୍ୟଃ ସର୍ୱବାଗୀଶ୍ୱରେଶ୍ୱରଃ ।
ମହାହ୍ରଦୋ ମହାଗର୍ତୋ ମହାଭୂତୋ ମହାନିଧିଃ ॥ ୮୬॥

କୁମୁଦଃ କୁନ୍ଦରଃ କୁନ୍ଦଃ ପର୍ଜନ୍ୟଃ ପାବନୋଽନିଲଃ ।
ଅମୃତାଶୋଽମୃତବପୁଃ ସର୍ୱଜ୍ଞଃ ସର୍ୱତୋମୁଖଃ ॥ ୮୭॥

ସୁଲଭଃ ସୁବ୍ରତଃ ସିଦ୍ଧଃ ଶତ୍ରୁଜିଚ୍ଛତ୍ରୁତାପନଃ ।
ନ୍ୟଗ୍ରୋଧୋଽଦୁମ୍ବରୋଽଶ୍ୱତ୍ଥଶ୍ଚାଣୂରାନ୍ଧ୍ରନିଷୂଦନଃ ॥ ୮୮॥

ସହସ୍ରାର୍ଚିଃ ସପ୍ତଜିହ୍ୱଃ ସପ୍ତୈଧାଃ ସପ୍ତବାହନଃ ।
ଅମୂର୍ତିରନଘୋଽଚିନ୍ତ୍ୟୋ ଭୟକୃଦ୍ଭୟନାଶନଃ ॥ ୮୯॥

ଅଣୁର୍ୱୃହତ୍କୃଶଃ ସ୍ଥୂଲୋ ଗୁଣଭୃନ୍ନିର୍ଗୁଣୋ ମହାନ୍ ।
ଅଧୃତଃ ସ୍ୱଧୃତଃ ସ୍ୱାସ୍ୟଃ ପ୍ରାଗ୍ୱଂଶୋ ବଂଶବର୍ଧନଃ ॥ ୯୦॥

ଭାରଭୃତ୍ କଥିତୋ ୟୋଗୀ ୟୋଗୀଶଃ ସର୍ୱକାମଦଃ ।
ଆଶ୍ରମଃ ଶ୍ରମଣଃ କ୍ଷାମଃ ସୁପର୍ଣୋ ବାୟୁବାହନଃ ॥ ୯୧॥

ଧନୁର୍ଧରୋ ଧନୁର୍ୱେଦୋ ଦଣ୍ଡୋ ଦମୟିତା ଦମଃ ।
ଅପରାଜିତଃ ସର୍ୱସହୋ ନିୟନ୍ତାଽନିୟମୋଽୟମଃ ॥ ୯୨॥

ସତ୍ତ୍ୱବାନ୍ ସାତ୍ତ୍ୱିକଃ ସତ୍ୟଃ ସତ୍ୟଧର୍ମପରାୟଣଃ ।
ଅଭିପ୍ରାୟଃ ପ୍ରିୟାର୍ହୋଽର୍ହଃ ପ୍ରିୟକୃତ୍ ପ୍ରୀତିବର୍ଧନଃ ॥ ୯୩॥

ବିହାୟସଗତିର୍ଜ୍ୟୋତିଃ ସୁରୁଚିର୍ହୁତଭୁଗ୍ୱିଭୁଃ ।
ରବିର୍ୱିରୋଚନଃ ସୂର୍ୟଃ ସବିତା ରବିଲୋଚନଃ ॥ ୯୪॥

ଅନନ୍ତୋ ହୁତଭୁଗ୍ଭୋକ୍ତା ସୁଖଦୋ ନୈକଜୋଽଗ୍ରଜଃ ।
ଅନିର୍ୱିଣ୍ଣଃ ସଦାମର୍ଷୀ ଲୋକାଧିଷ୍ଠାନମଦ୍ଭୁତଃ ॥ ୯୫॥

ସନାତ୍ସନାତନତମଃ କପିଲଃ କପିରବ୍ୟୟଃ ।
ସ୍ୱସ୍ତିଦଃ ସ୍ୱସ୍ତିକୃତ୍ସ୍ୱସ୍ତି ସ୍ୱସ୍ତିଭୁକ୍ସ୍ୱସ୍ତିଦକ୍ଷିଣଃ ॥ ୯୬॥

ଅରୌଦ୍ରଃ କୁଣ୍ଡଲୀ ଚକ୍ରୀ ବିକ୍ରମ୍ୟୂର୍ଜିତଶାସନଃ ।
ଶବ୍ଦାତିଗଃ ଶବ୍ଦସହଃ ଶିଶିରଃ ଶର୍ୱରୀକରଃ ॥ ୯୭॥

ଅକ୍ରୂରଃ ପେଶଲୋ ଦକ୍ଷୋ ଦକ୍ଷିଣଃ କ୍ଷମିଣାଂବରଃ ।
ବିଦ୍ୱତ୍ତମୋ ବୀତଭୟଃ ପୁଣ୍ୟଶ୍ରବଣକୀର୍ତନଃ ॥ ୯୮॥

ଉତ୍ତାରଣୋ ଦୁଷ୍କୃତିହା ପୁଣ୍ୟୋ ଦୁଃସ୍ୱପ୍ନନାଶନଃ ।
ବୀରହା ରକ୍ଷଣଃ ସନ୍ତୋ ଜୀବନଃ ପର୍ୟବସ୍ଥିତଃ ॥ ୯୯॥

ଅନନ୍ତରୂପୋଽନନ୍ତଶ୍ରୀର୍ଜିତମନ୍ୟୁର୍ଭୟାପହଃ ।
ଚତୁରଶ୍ରୋ ଗଭୀରାତ୍ମା ବିଦିଶୋ ବ୍ୟାଦିଶୋ ଦିଶଃ ॥ ୧୦୦॥

ଅନାଦିର୍ଭୂର୍ଭୁବୋ ଲକ୍ଷ୍ମୀଃ ସୁବୀରୋ ରୁଚିରାଙ୍ଗଦଃ ।
ଜନନୋ ଜନଜନ୍ମାଦିର୍ଭୀମୋ ଭୀମପରାକ୍ରମଃ ॥ ୧୦୧॥

ଆଧାରନିଲୟୋଽଧାତା ପୁଷ୍ପହାସଃ ପ୍ରଜାଗରଃ ।
ଊର୍ଧ୍ୱଗଃ ସତ୍ପଥାଚାରଃ ପ୍ରାଣଦଃ ପ୍ରଣବଃ ପଣଃ ॥ ୧୦୨॥

ପ୍ରମାଣଂ ପ୍ରାଣନିଲୟଃ ପ୍ରାଣଭୃତ୍ପ୍ରାଣଜୀବନଃ ।
ତତ୍ତ୍ୱଂ ତତ୍ତ୍ୱବିଦେକାତ୍ମା ଜନ୍ମମୃତ୍ୟୁଜରାତିଗଃ ॥ ୧୦୩॥

ଭୂର୍ଭୁବଃସ୍ୱସ୍ତରୁସ୍ତାରଃ ସବିତା ପ୍ରପିତାମହଃ ।
ୟଜ୍ଞୋ ୟଜ୍ଞପତିର୍ୟଜ୍ୱା ୟଜ୍ଞାଙ୍ଗୋ ୟଜ୍ଞବାହନଃ ॥ ୧୦୪॥

ୟଜ୍ଞଭୃଦ୍ ୟଜ୍ଞକୃଦ୍ ୟଜ୍ଞୀ ୟଜ୍ଞଭୁଗ୍ ୟଜ୍ଞସାଧନଃ ।
ୟଜ୍ଞାନ୍ତକୃଦ୍ ୟଜ୍ଞଗୁହ୍ୟମନ୍ନମନ୍ନାଦ ଏବ ଚ ॥ ୧୦୫॥

ଆତ୍ମୟୋନିଃ ସ୍ୱୟଞ୍ଜାତୋ ବୈଖାନଃ ସାମଗାୟନଃ ।
ଦେବକୀନନ୍ଦନଃ ସ୍ରଷ୍ଟା କ୍ଷିତୀଶଃ ପାପନାଶନଃ ॥ ୧୦୬॥

ଶଙ୍ଖଭୃନ୍ନନ୍ଦକୀ ଚକ୍ରୀ ଶାର୍ଙ୍ଗଧନ୍ବା ଗଦାଧରଃ ।
ରଥାଙ୍ଗପାଣିରକ୍ଷୋଭ୍ୟଃ ସର୍ୱପ୍ରହରଣାୟୁଧଃ ॥ ୧୦୭॥

ସର୍ୱପ୍ରହରଣାୟୁଧ ଓଁ ନମ ଇତି ।
ବନମାଲୀ ଗଦୀ ଶାର୍ଙ୍ଗୀ ଶଙ୍ଖୀ ଚକ୍ରୀ ଚ ନନ୍ଦକୀ ।
ଶ୍ରୀମାନ୍ ନାରାୟଣୋ ବିଷ୍ଣୁର୍ୱାସୁଦେବୋଽଭିରକ୍ଷତୁ ॥ ୧୦୮॥

ଶ୍ରୀବାସୁଦେବୋଽଭିରକ୍ଷତୁ ଓଁ ନମ ଇତି ।

॥ ଉତ୍ତରନ୍ୟାସଃ, ଫଲଶ୍ରୁତିଃ ॥

ଭୀଷ୍ମ ଉବାଚ —
ଇତୀଦଂ କୀର୍ତନୀୟସ୍ୟ କେଶବସ୍ୟ ମହାତ୍ମନଃ ।
ନାମ୍ନାଂ ସହସ୍ରଂ ଦିବ୍ୟାନାମଶେଷେଣ ପ୍ରକୀର୍ତିତମ୍ ॥ ୧॥

ୟ ଇଦଂ ଶୃଣୁୟାନ୍ନିତ୍ୟଂ ୟଶ୍ଚାପି ପରିକୀର୍ତୟେତ୍ ।
ନାଶୁଭଂ ପ୍ରାପ୍ନୁୟାତ୍କିଞ୍ଚିତ୍ସୋଽମୁତ୍ରେହ ଚ ମାନବଃ ॥ ୨॥

ବେଦାନ୍ତଗୋ ବ୍ରାହ୍ମଣଃ ସ୍ୟାତ୍କ୍ଷତ୍ରିୟୋ ବିଜୟୀ ଭବେତ୍ ।
ବୈଶ୍ୟୋ ଧନସମୃଦ୍ଧଃ ସ୍ୟାଚ୍ଛୂଦ୍ରଃ ସୁଖମବାପ୍ନୁୟାତ୍ ॥ ୩॥

ଧର୍ମାର୍ଥୀ ପ୍ରାପ୍ନୁୟାଦ୍ଧର୍ମମର୍ଥାର୍ଥୀ ଚାର୍ଥମାପ୍ନୁୟାତ୍ ।
କାମାନବାପ୍ନୁୟାତ୍କାମୀ ପ୍ରଜାର୍ଥୀ ପ୍ରାପ୍ନୁୟାତ୍ପ୍ରଜାମ୍ ॥ ୪॥

ଭକ୍ତିମାନ୍ ୟଃ ସଦୋତ୍ଥାୟ ଶୁଚିସ୍ତଦ୍ଗତମାନସଃ ।
ସହସ୍ରଂ ବାସୁଦେବସ୍ୟ ନାମ୍ନାମେତତ୍ପ୍ରକୀର୍ତୟେତ୍ ॥ ୫॥

ୟଶଃ ପ୍ରାପ୍ନୋତି ବିପୁଲଂ ଜ୍ଞାତିପ୍ରାଧାନ୍ୟମେବ ଚ ।
ଅଚଲାଂ ଶ୍ରିୟମାପ୍ନୋତି ଶ୍ରେୟଃ ପ୍ରାପ୍ନୋତ୍ୟନୁତ୍ତମମ୍ ॥ ୬॥

ନ ଭୟଂ କ୍ୱଚିଦାପ୍ନୋତି ବୀର୍ୟଂ ତେଜଶ୍ଚ ବିନ୍ଦତି ।
ଭବତ୍ୟରୋଗୋ ଦ୍ୟୁତିମାନ୍ବଲରୂପଗୁଣାନ୍ବିତଃ ॥ ୭॥

ରୋଗାର୍ତୋ ମୁଚ୍ୟତେ ରୋଗାଦ୍ୱଦ୍ଧୋ ମୁଚ୍ୟେତ ବନ୍ଧନାତ୍ ।
ଭୟାନ୍ମୁଚ୍ୟେତ ଭୀତସ୍ତୁ ମୁଚ୍ୟେତାପନ୍ନ ଆପଦଃ ॥ ୮॥

ଦୁର୍ଗାଣ୍ୟତିତରତ୍ୟାଶୁ ପୁରୁଷଃ ପୁରୁଷୋତ୍ତମମ୍ ।
ସ୍ତୁବନ୍ନାମସହସ୍ରେଣ ନିତ୍ୟଂ ଭକ୍ତିସମନ୍ବିତଃ ॥ ୯॥

ବାସୁଦେବାଶ୍ରୟୋ ମର୍ତ୍ୟୋ ବାସୁଦେବପରାୟଣଃ ।
ସର୍ୱପାପବିଶୁଦ୍ଧାତ୍ମା ୟାତି ବ୍ରହ୍ମ ସନାତନମ୍ ॥ ୧୦॥

ନ ବାସୁଦେବଭକ୍ତାନାମଶୁଭଂ ବିଦ୍ୟତେ କ୍ୱଚିତ୍ ।
ଜନ୍ମମୃତ୍ୟୁଜରାବ୍ୟାଧିଭୟଂ ନୈବୋପଜାୟତେ ॥ ୧୧॥

ଇମଂ ସ୍ତବମଧୀୟାନଃ ଶ୍ରଦ୍ଧାଭକ୍ତିସମନ୍ବିତଃ ।
ୟୁଜ୍ୟେତାତ୍ମସୁଖକ୍ଷାନ୍ତିଶ୍ରୀଧୃତିସ୍ମୃତିକୀର୍ତିଭିଃ ॥ ୧୨॥

ନ କ୍ରୋଧୋ ନ ଚ ମାତ୍ସର୍ୟଂ ନ ଲୋଭୋ ନାଶୁଭା ମତିଃ ।
ଭବନ୍ତି କୃତପୁଣ୍ୟାନାଂ ଭକ୍ତାନାଂ ପୁରୁଷୋତ୍ତମେ ॥ ୧୩॥

ଦ୍ୟୌଃ ସଚନ୍ଦ୍ରାର୍କନକ୍ଷତ୍ରା ଖଂ ଦିଶୋ ଭୂର୍ମହୋଦଧିଃ ।
ବାସୁଦେବସ୍ୟ ବୀର୍ୟେଣ ବିଧୃତାନି ମହାତ୍ମନଃ ॥ ୧୪॥

ସସୁରାସୁରଗନ୍ଧର୍ୱଂ ସୟକ୍ଷୋରଗରାକ୍ଷସମ୍ ।
ଜଗଦ୍ୱଶେ ବର୍ତତେଦଂ କୃଷ୍ଣସ୍ୟ ସଚରାଚରମ୍ ॥ ୧୫॥

ଇନ୍ଦ୍ରିୟାଣି ମନୋ ବୁଦ୍ଧିଃ ସତ୍ତ୍ୱଂ ତେଜୋ ବଲଂ ଧୃତିଃ ।
ବାସୁଦେବାତ୍ମକାନ୍ୟାହୁଃ କ୍ଷେତ୍ରଂ କ୍ଷେତ୍ରଜ୍ଞ ଏବ ଚ ॥ ୧୬॥

ସର୍ୱାଗମାନାମାଚାରଃ ପ୍ରଥମଂ ପରିକଲ୍ପ୍ୟତେ ।
ଆଚାରପ୍ରଭବୋ ଧର୍ମୋ ଧର୍ମସ୍ୟ ପ୍ରଭୁରଚ୍ୟୁତଃ ॥ ୧୭॥

ଋଷୟଃ ପିତରୋ ଦେବା ମହାଭୂତାନି ଧାତବଃ ।
ଜଙ୍ଗମାଜଙ୍ଗମଂ ଚେଦଂ ଜଗନ୍ନାରାୟଣୋଦ୍ଭବମ୍ ॥ ୧୮॥

ୟୋଗୋ ଜ୍ଞାନଂ ତଥା ସାଙ୍ଖ୍ୟଂ ବିଦ୍ୟାଃ ଶିଲ୍ପାଦିକର୍ମ ଚ ।
ବେଦାଃ ଶାସ୍ତ୍ରାଣି ବିଜ୍ଞାନମେତତ୍ସର୍ୱଂ ଜନାର୍ଦନାତ୍ ॥ ୧୯॥

ଏକୋ ବିଷ୍ଣୁର୍ମହଦ୍ଭୂତଂ ପୃଥଗ୍ଭୂତାନ୍ୟନେକଶଃ ।
ତ୍ରୀଂଲ୍ଲୋକାନ୍ବ୍ୟାପ୍ୟ ଭୂତାତ୍ମା ଭୁଙ୍କ୍ତେ ବିଶ୍ୱଭୁଗବ୍ୟୟଃ ॥ ୨୦॥

ଇମଂ ସ୍ତବଂ ଭଗବତୋ ବିଷ୍ଣୋର୍ୱ୍ୟାସେନ କୀର୍ତିତମ୍ ।
ପଠେଦ୍ୟ ଇଚ୍ଛେତ୍ପୁରୁଷଃ ଶ୍ରେୟଃ ପ୍ରାପ୍ତୁଂ ସୁଖାନି ଚ ॥ ୨୧॥

ବିଶ୍ୱେଶ୍ୱରମଜଂ ଦେବଂ ଜଗତଃ ପ୍ରଭୁମବ୍ୟୟମ୍ ।
ଭଜନ୍ତି ୟେ ପୁଷ୍କରାକ୍ଷଂ ନ ତେ ୟାନ୍ତି ପରାଭବମ୍ ॥ ୨୨॥

ଅର୍ଜୁନ ଉବାଚ —
ପଦ୍ମପତ୍ରବିଶାଲାକ୍ଷ ପଦ୍ମନାଭ ସୁରୋତ୍ତମ ।
ଭକ୍ତାନାମନୁରକ୍ତାନାଂ ତ୍ରାତା ଭବ ଜନାର୍ଦନ ॥ ୨୩॥

ଶ୍ରୀଭଗବାନୁବାଚ —
ୟୋ ମାଂ ନାମସହସ୍ରେଣ ସ୍ତୋତୁମିଚ୍ଛତି ପାଣ୍ଡବ ।
ସୋଽହମେକେନ ଶ୍ଲୋକେନ ସ୍ତୁତ ଏବ ନ ସଂଶୟଃ ॥ ୨୪॥

ବ୍ୟାସ ଉବାଚ —
ବାସନାଦ୍ୱାସୁଦେବସ୍ୟ ବାସିତଂ ଭୁବନତ୍ରୟମ୍ ।
ସର୍ୱଭୂତନିବାସୋଽସି ବାସୁଦେବ ନମୋଽସ୍ତୁ ତେ ॥ ୨୫॥

ପାର୍ୱତ୍ୟୁବାଚ —
କେନୋପାୟେନ ଲଘୁନା ବିଷ୍ଣୋର୍ନାମସହସ୍ରକମ୍ ।
ପଠ୍ୟତେ ପଣ୍ଡିତୈର୍ନିତ୍ୟଂ ଶ୍ରୋତୁମିଚ୍ଛାମ୍ୟହଂ ପ୍ରଭୋ ॥ ୨୬॥

ଈଶ୍ୱର ଉବାଚ —
ଶ୍ରୀରାମରାମରାମେତି ରମେ ରାମେ ମନୋରମେ ।
ସହସ୍ରନାମତତ୍ତୁଲ୍ୟଂ ରାମନାମ ବରାନନେ ॥ ୨୭॥

ବ୍ରହ୍ମୋବାଚ —
ନମୋଽସ୍ତ୍ୱନନ୍ତାୟ ସହସ୍ରମୂର୍ତୟେ
ସହସ୍ରପାଦାକ୍ଷିଶିରୋରୁବାହବେ ।
ସହସ୍ରନାମ୍ନେ ପୁରୁଷାୟ ଶାଶ୍ୱତେ
ସହସ୍ରକୋଟିୟୁଗଧାରିଣେ ନମଃ ॥ ୨୮॥

ଓଁ ତତ୍ସଦିତି ଶ୍ରୀମହାଭାରତେ ଶତସାହସ୍ର୍ୟାଂ ସଂହିତାୟାଂ ବୈୟାସିକ୍ୟାମାନୁଶାସନିକେ
ପର୍ୱଣି ଭୀଷ୍ମୟୁଧିଷ୍ଠିରସଂବାଦେ ଶ୍ରୀବିଷ୍ଣୋର୍ଦିବ୍ୟସହସ୍ରନାମସ୍ତୋତ୍ରମ୍ ॥

ସଞ୍ଜୟ ଉବାଚ —
ୟତ୍ର ୟୋଗେଶ୍ୱରଃ କୃଷ୍ଣୋ ୟତ୍ର ପାର୍ଥୋ ଧନୁର୍ଧରଃ ।
ତତ୍ର ଶ୍ରୀର୍ୱିଜୟୋ ଭୂତିର୍ଧ୍ରୁବା ନୀତିର୍ମତିର୍ମମ ॥ ୨୯॥

ଶ୍ରୀଭଗବାନୁବାଚ —
ଅନନ୍ୟାଶ୍ଚିନ୍ତୟନ୍ତୋ ମାଂ ୟେ ଜନାଃ ପର୍ୟୁପାସତେ ।
ତେଷାଂ ନିତ୍ୟାଭିୟୁକ୍ତାନାଂ ୟୋଗକ୍ଷେମଂ ବହାମ୍ୟହମ୍ ॥ ୩୦॥

ପରିତ୍ରାଣାୟ ସାଧୂନାଂ ବିନାଶାୟ ଚ ଦୁଷ୍କୃତାମ୍ ।
ଧର୍ମସଂସ୍ଥାପନାର୍ଥାୟ ସମ୍ଭବାମି ୟୁଗେ ୟୁଗେ ॥ ୩୧॥

ଆର୍ତା ବିଷଣ୍ଣାଃ ଶିଥିଲାଶ୍ଚ ଭୀତା ଘୋରେଷୁ ଚ ବ୍ୟାଧିଷୁ ବର୍ତମାନାଃ ।
ସଙ୍କୀର୍ତ୍ୟ ନାରାୟଣଶବ୍ଦମାତ୍ରଂ ବିମୁକ୍ତଦୁଃଖାଃ ସୁଖିନୋ ଭବନ୍ତି ॥ ୩୨॥

କାୟେନ ବାଚା ମନସେନ୍ଦ୍ରିୟୈର୍ୱା ବୁଦ୍ଧ୍ୟାତ୍ମନା ବା ପ୍ରକୃତେଃ ସ୍ୱଭାବାତ୍ ।
କରୋମି ୟଦ୍ୟତ୍ ସକଲଂ ପରସ୍ମୈ ନାରାୟଣାୟେତି ସମର୍ପୟାମି ॥ ୩୩॥

॥ ଇତି ଶ୍ରୀବିଷ୍ଣୋର୍ଦିବ୍ୟସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥
ଓଁ ତତ୍ ସତ୍ ।