শিব তাণ্ডব স্তোত্র — কথা

भगवान शिव · Stotram

॥ শিবতাণ্ডবস্তোত্রম্ ॥

॥ শ্রীগণেশায় নমঃ ॥

জটাতবীগলজ্জলপ্রবাহপাবিতস্থলে
গলেঽবলম্ব্য লম্বিতাং ভুজঙ্গতুঙ্গমালিকাম্ ।
ডমড্ডমড্ডমড্ডমন্নিনাদবড্ডমর্বয়ং
চকার চণ্ডতাণ্ডবং তনোতু নঃ শিবঃ শিবম্ ॥ ১ ॥

জটাকটাহসম্ভ্রমভ্রমন্নিলিম্পনির্ঝরী-
বিলোলাবীচিবল্লরীবিরাজমানমূর্ধনি ।
ধগদ্ধগদ্ধগজ্জ্বলল্ললাটপট্টপাবকে
কিশোরচন্দ্রশেখরে রতিঃ প্রতিক্ষণং মম ॥ ২ ॥

ধরাধরেন্দ্রনন্দিনীবিলাসবন্ধুবন্ধুর-
স্ফুরদ্দিগন্তসন্ততিপ্রমোদমানমানসে ।
কৃপাকটাক্ষধোরণীনিরুদ্ধদুর্ধরাপদি
ক্বচিদ্দিগম্বরে মনো বিনোদমেতু বস্তুনি ॥ ৩ ॥

জটাভুজঙ্গপিঙ্গলস্ফুরৎফণামণিপ্রভা-
কদম্বকুঙ্কুমদ্রবপ্রলিপ্তদিগ্বধূমুখে ।
মদান্ধসিন্ধুরস্ফুরত্তূগুত্তরীয়মেদুরে
মনো বিনোদমদ্ভূতং বিভর্তু ভূতভর্তরি ॥ ৪ ॥

সহস্রলোচনপ্রভৃত্যশেষলেখশেখর-
প্রসূনধূলিধোরণীবিধূসরাঙ্ঘ্ৰিপীঠভূঃ ।
ভুজঙ্গরাজমালয়া নিবদ্ধজাটজূটকঃ
শ্রিয়ৈ চিরায় জায়তাং চকোরবন্ধ শেখরঃ ॥ ৫ ॥

ললাটচত্বরজ্বলদ্ধনঞ্জয়স্ফুলিঙ্গভা-
নিপীতপঞ্চসায়কং নমন্নিলিম্পনায়কম্ ।
সুধাময়ূখলেখয়া বিরাজমানশেখ রং
মহাকপালি সম্পদে শিরো জটালমস্তু নঃ ॥ ৬ ॥

করালভালপট্টিকাধগদ্ধগদ্ধগজ্জ্বল-
দ্ধনঞ্জয়াহুতীকৃতপ্রচণ্ডপঞ্চসায়কে ।
ধরাধরেন্দ্রনন্দিনীকুচাগ্রচিত্রপত্রক-
প্রকল্পনৈকশিল্পিনি ত্রিলোচনে রতির্মম ॥ ৭ ॥

নবীনমেঘমণ্ডলীনিরুদ্ধদুর্ধরস্ফুরৎ-
কুহূনিশীথিনীতমঃপ্রবন্ধবদ্ধকন্ধরঃ ।
নিলিম্পনির্ঝরীধরস্তনোতু কৃত্তিসিন্ধুরঃ
কলানিধানবন্ধুরঃ শ্রিয়ং জগদ্ধুরন্ধরঃ ॥ ৮ ॥

প্রফুল্লনীলপঙ্কজপ্রপঞ্চকালিমপ্রভা-
ঽবলম্বিকণ্ঠকন্দলীরুচিপ্রবদ্ধকন্ধরম্ ।
স্মরচ্ছিদং পুরচ্ছিদং ভবচ্ছিদং মখচ্ছিদং
গজচ্ছিদান্ধকচ্ছিদং তমান্তকচ্ছিদং ভজে ॥ ৯ ॥

অখর্বসর্বমঙ্গলাকলাকদম্বমঞ্জরী-
রসপ্রবাহমাধুরীবিজৃম্ভণামধুব্রতম্ ।
স্মরান্তকং পুরান্তকং ভবান্তকং মখান্তকং
গজান্তকান্ধকান্তকং তমান্তকান্তকং ভজে ॥ ১০ ॥

জয়ত্বদভ্রবিভ্রমভ্রমদ্ভুজঙ্গমশ্বস-
দ্বিনির্গমৎক্রমস্ফুরৎকরালভালহব্যবাট্ ।
ধিমিদ্ধিমিদ্ধিমিদ্ধ্বনন্মৃদঙ্গতুঙ্গমঙ্গল-
ধ্বনিক্রমপ্রবর্তিতপ্রচণ্ডতাণ্ডবঃ শিবঃ ॥ ১১ ॥

দৃষদ্বিচিত্রতল্পয়োর্ভুজঙ্গমৌক্তিকস্রজোর্-
গরিষ্ঠরত্নলোষ্ঠয়োহ সুহৃদ্বিপক্ষপক্ষয়োহ ।
তৃণারবিন্দচক্ষুষোহ প্রজামহীমহেন্দ্রয়োহ
সমপ্রবৃত্তিকঃ কদা সদাশিবং ভজাম্যহম্ ॥ ১২ ॥

কদা নিলিম্পনির্ঝরীনিকুঞ্জকোটরে বসন্
বিমুক্তদুর্মতিঃ সদা শিরঃস্থমঞ্জলিং বহন ।
বিলোলোলোললোচনো ললামভাললগ্নকঃ
শিবেতি মন্ত্রমুচ্চরন্ কদা সুখী ভবাম্যহম্ ॥ ১৩ ॥

নিলিম্পনাথনাগরীকদম্বমৌলিমল্লিকা-
নিগুম্ফনির্ভরক্ষরন্মধূষ্ণিকামনোহরঃ ।
তনোতু নো মনোমুদং বিনোদিনীমহর্নিশং
পরশ্রিয়ঃ পরং পদং তদঙ্গজত্বিষাং চয়ঃ ॥ ১৪ ॥

প্রচণ্ডবাডবানলপ্রভাশুভপ্রচারিণী
মহানিঃশ্রেয়সায় কামিনীজনাবহূতজল্পনা ।
বিমুক্তবামলোচনাবিবাহকালিকধ্বনিঃ
শিবেতি মন্ত্রভূষণা জগজ্জয়ায় জায়তাম্ ॥ ১৫ ॥

ইমং হি নিত্যমেবমুক্তমুত্তমোত্তমং স্তবং
পঠন্স্মরন্ক্রুবন্নরো বিশুদ্ধিমেতিসন্ততম্ ।
হরে গুরৌ সুভক্তিমাতু যাতি নাথন্যা গতিং
বিমোহনং হি দেহিনাং সুশঙ্করস্য চিন্তনম্ ॥ ১৬ ॥

পূজাবসানসময়ে দশবক্ত্ৰগীতং
য়ঃ শম্ভুপূজনপরং পঠতি প্রদোষে ।
তস্য স্থিরাং রথগজেন্দ্রতুরঙ্গযুক্তাং
লক্ষ্মীং সদাৈব সুমুখীং প্রদাতি শম্ভুঃ ॥ ১৭ ॥

॥ ইতি শ্রীরাবণকৃতং শিবতাণ্ডবস্তোত্রং সম্পূর্ণম্ ॥

শিব তাণ্ডব স্তোত্র

পড়া চালিয়ে যেতে একটি বিভাগ বেছে নিন।

🕉️ শিব তাণ্ডব স্তোত্রমের অর্থপ্রতিটি শ্লোক আলাদাভাবে ব্যাখ্যা করা হয়েছে 📜 শিব তাণ্ডব স্তোত্রম সম্পর্কেএর উৎপত্তি ও ঐতিহ্যগত পটভূমি 🙏 শিব তাণ্ডব স্তোত্রম কীভাবে পাঠ করবেনভক্তিমূলক সাধনার জন্য সহজ নির্দেশনা 🕰️ শিব তাণ্ডব স্তোত্রম কখন পাঠ করবেনঐতিহ্যগত সময় ও উপলক্ষ 🌺 ঐতিহ্যগত তাৎপর্যভগবান শিবের সঙ্গে যুক্ত ভক্তিমূলক মূল্যবোধ ✨ শিব তাণ্ডব স্তোত্রমের সারস্তোত্রের কেন্দ্রীয় ভাব