શિવ તાંડવ સ્તોત્ર — શબ્દો

॥ શિવતાણ્ડવસ્તોત્રમ્ ॥

॥ શ્રીગણેશાય નમઃ ॥

જટાટવીગલજ્જલપ્રવાહપાવિતસ્થલે
ગલેઽવલમ્બ્ય લમ્બિતાં ભુજઙ્ગતુઙ્ગમાલિકામ્ ।
ડમડ્ડમડ્ડમડ્ડમન્નિનાદવડ્ડમર્વયં
ચકાર ચણ્ડતાણ્ડવં તનોતુ નઃ શિવઃ શિવમ્ ॥ ૧ ॥

જટાકટાહસમ્ભ્રમભ્રમન્નિલિમ્પનિર્ઝરી-
વિલોલવીચિવલ્લરીવિરાજમાનમૂર્ધનિ ।
ધગદ્ધગદ્ધગજ્જ્વલલલ્લાટપટ્ટપાવકે
કિશોરચન્દ્રશેખરે રતિઃ પ્રતિક્ષણં મમ ॥ ૨ ॥

ધરાધરેન્દ્રનન્દિનીવિલાસબન્ધુભન્ધુર-
સ્ફુરદ્દિગન્તસન્તતિપ્રમોદમાનમાનસે ।
કૃપાકટાક્ષધોરણીનિરુદ્ધદુર્ધરાપદિ
ક્વચિદ્દિગમ્બરે મનો વિનોદમેતુ વસ્તુનિ ॥ ૩ ॥

જટાભુજઙ્ગપિઙ્ગલસ્ફુરત્ફણામણિપ્રભા-
કદમ્બકુઙ્કુમદ્રવપ્રલિપ્તદિગ્વધૂમુખે ।
મદાન્ધસિન્ધુરસ્ફુરત્ત્વગુત્તરીયમેદુરે
મનો વિનોદમદ્ભુતં બિભર્તુ ભૂતભર્તરિ ॥ ૪ ॥

સહસ્રલોચનપ્રભૃત્યશેષલેખશેખર-
પ્રસૂનધૂલિધોરણીવિધૂસરાઙ્ધ્રિપીઠભૂઃ ।
ભujઙ્ગરાજમાલયા નિબદ્ધજાટજૂટકઃ
શ્રિયૈ ચિરાય જાયતાં ચકોરબન્ધુશેખરઃ ॥ ૫ ॥

લલાટચત્વરજ્વલદ્ધનઞ્જયસ્ફુલિઙ્ગભા-
નિપીતપઞ્ચસાયકં નમન્નિલિમ્પનાયકામ્ ।
સુધામયૂખલેખયા વિરાજમાનશેખરં
મહાકપાલિ સમ્પદે શિરો જટાલમસ્તુ નઃ ॥ ૬ ॥

કરાલભાલપટ્ટિકાધગદ્ધગદ્ધગજ્જ્વલ-
દ્ધનઞ્જયાહુતીકૃતપ્રચણ્ડપઞ્ચસાયકે ।
ધરાધરેન્દ્રનન્દિનીકુચાગ્રચિત્રપત્રક-
પ્રકલ્પનૈકશિલ્પિનિ ત્રિલોચને રતિર્મમ ॥ ૭ ॥

નવીનમેઘમણ્ડલીનિરુદ્ધદુર્ધરસ્ફુરત્-
કુહૂનિશીથિનીતમઃપ્રબન્ધબદ્ધકન્ધરઃ ।
નિલિમ્પનિર્ઝરીધરસ્તનોતુ કૃત્તિસિન્ધુરઃ
કલાનિધાનબન્ધુરઃ શ્રિયં જગદ્ધુરન્ધરઃ ॥ ૮ ॥

પ્રફુલ્લનીલપઙ્કજપ્રપઞ્ચકાલિમપ્રભા-
ఽવલમ્બિકણ્ઠકન્દલીરુચિપ્રબદ્ધકન્ધરમ્ ।
સ્મરચ્છીદં પુરચ્છીદં ભવચ્છીદં મખચ્છીદં
ગજચ્છીદાન્ધકચ્છીદં તમન્તકચ્છીદં ભજે ॥ ૯ ॥

અખર્વસર્વમઙ્ગલાકલાકદમ્બમઞ્જરી-
રસપ્રવાહમાધુરીવિજૃમ્ભણામધુવ્રતમ્ ।
સ્મરાન્તકં પુરાન્તકં ભવાન્તકં મખાનતકં
ગજાન્તકાન્ધકાન્તકં તમન્તકાન્તકં ભજે ॥ ૧૦ ॥

જયત્વદભ્રવિભ્રમભ્રમદ્ભujઙ્ગમશ્વસ-
દ્વિનિર્ગમત્ક્રમસ્ફુરત્કરાલભાલહવ્યવાટ્ ।
ધિમિદ્ધિમિદ્ધિમિદ્ધ્વનન્મૃદઙ્ગતુઙ્ગમઙ્ગલ-
ધ્વનિક્રમપ્રવર્તિતપ્રચણ્ડતાણ્ડવઃ શિવઃ ॥ ૧૧ ॥

દૃષદ્વિચિત્રતલ્પયોર્ભujઙ્ગમૌક્તિકસ્રજોર્-
ગરિષ્ઠરત્નલોષ્ઠયોઃ સુહૃદ્વિપક્ષપક્ષયોઃ ।
તૃણારવિન્દચક્ષુષોઃ પ્રજામહીમહેન્દ્રયોઃ
સમપ્રવૃત્તિકઃ કદા સદાશિવં ભજામ્યહમ્ ॥ ૧૨ ॥

કદા નિલિમ્પનિર્ઝરીનિકુઞ્જકોટરે વસન્
વિમુક્તદુર્મતિઃ સદા શિરઃસ્થમઞ્જલિં વહન્ ।
વિલોલલોલલોચનો લલામભાલલગ્નકઃ
શિવેતિ મન્ત્રમુચ્ચરન્ કદા સુખી ભવામ્યહમ્ ॥ ૧૩ ॥

નિલિમ્પનાથનાગરીકદમ્બમૌલિમલ્લિકા-
નિગુમ્ફનિર્ભરક્ષરન્મધૂષ્ણિકામનોહરઃ ।
તનોતુ નો મનોમુદં વિનોદિનીમહર્નિશં
પરશ્રિયઃ પરં પદં તદઙ્ગજત્વિષાં ચયઃ ॥ ૧૪ ॥

પ્રચણ્ડવાડવાનલપ્રભાશુભપ્રચારિણી
મહાષ્ટસિદ્ધિકામિનીજનાવહૂતજલ્પના ।
વિમુક્તવામલોચનાવિવાહકાલિકધ્વનિઃ
શિવેતિ મન્ત્રભૂષણા જગજ્જયાય જાયતામ્ ॥ ૧૫ ॥

ઇમં હિ નિત્યમેવમુક્તમુત્તમોત્તમં સ્તવં
પઠન્સમરન્બ્રુવન્નરો વિશુદ્ધિમેતિસન્તતમ્ ।
હરે ગુરૌ સુભક્તિમાશુ યાતિ નાન્યથા ગતિં
વિમોહનં હિ દેહિનાં સુશઙ્કરસ્ય ચિન્તનમ્ ॥ ૧૬ ॥

પૂજાવસાનસમયે દશવક્ત્રગીતં
યઃ શમ્ભુપૂજનપરં પઠતિ પ્રદોષે ।
તસ્ય સ્થિરાં રથગજેન્દ્રતુરઙ્ગયુક્તાં
લક્ષ્મીં સદૈવ સુમુખીં પ્રદદાતિ શમ્ભુઃ ॥ ૧૭ ॥

॥ ઇતિ શ્રીરાવણકૃતં શિવતાણ્ડવસ્તોત્રં સમ્પૂર્ણમ્ ॥